Tresnak. Ehungintza eta binilo ploterra

Saio honetan, biniloa mozteko ploterraren bidez ehunen kustomizaziora hurbilketa esperimentala egitea proposatzen dugu.

Ehunetarako biniloa material ezin hobea da hainbat oihaletan diseinu pertsonalizatuak itsasteko. Ebaketa-ploterrarekin konbinatua, gure diseinuak zehaztasun osoz moztu eta gure jantzietan lisaketaren bidez finkatu ditzazkegu. Horretarako, bektoreen bidez marrazten edota gure zirriborroak hizkuntza horretara eraldatzen ikasiko dugu. 
Era berean, teknika honek ematen duen definizioa, eskuzko elaborazioekin, collage erara, konbinatu ahal izango dugu.

*Gomendagarria da grafiko bektorialak editatzeko programa duen ordenagailu eramangarria ekartzea. Zalantzak baldin badituzu idatzi medialab@tabakalera.eus helbidera. 

** Ekarri apaindu nahi duzun jantzia: alkandora, kamiseta, telazko poltsa…