Uda risosferan

Riso inprimagailuari ‘artisten fotokopia tresna‘ izengoitia eman izan zaio serigrafia eta fotokopiaren arteko teknika hibridoa delako. Funtsean panfletoak eta esku-orriak inprimatzeko asmatua izan zen. 90 hamarkadan grafista eta artista batzuk ekipo honetan ahalmen kreatibo handi bat ikusi zuten, bereziki mikro-edizioaren munduan, eta risografia berreskuratu zuten. Inprimagailua erabiltzeko ezagutza tekniko edo artistiko txikia behar da: marraztu eta, tresnan dagoen eskanerrari esker, irudiak kopuru handian kopiatu ahal dira, kolore bizi eta aberatsetan. 

 Aurtengo risografia lantegian, fanzine bat kolektiboki sortzea proposatzen da, ‘Uda’ gaiaren inguruan marrazki eta collage batzuk osatuz. Helburua risografia teknika elkarrekin lantzea da, bere sekretuak deskubrituz. 

Lehen egunean, teknikaren historia eta ezaugarriak ezagutuko ditugu, eta fanzine, liburu eta kartel kolekzio txikia behatuko dugu, risoak eskaintzen dituen aukerak ezagutzeko. Collage kolektibo bat sortuko dugu elkarrekin teknikaren ezaugarriak ulertzeko. 

Bigarren egunean teknika zehaztuko dugu beste entsegu batzuk eginez, irudiak prestatuz eta inprimatuz bi, hiru, edo lau kolorekin. Asmoa marrazteko eta tindatzeko tresna desberdinen baliatzea izango da, baita collage delakoetan elemento grafikoak nahastea ere: argazki, tipografia, igurtzia, etab. Saioaren bukaeran hiztegi grafiko aberats batekin esperimentatuko dugu. 

Azken bi egunetan bakoitzak esperimentazio horiek zehaztuko ditu irudi pertsonalak sortuz, eta bukaeran liburuxka edo fanzine kolektibo bat osatuko dugu guztien marrazki eta collageak bilduz. Eskuz josiko ditugu orriak biltzeko. Bakoitza liburuxka eta entsegu pila batekin etxeratuko da.

Lantegi hau aukera paregabea da, bai inpresio teknika hau deskubritzeko, bai ezagutza zabaldu eta hobekuntzak ikasteko. Hurbildu Risora!