The ugly one, Eric Baudelaire, Frantzia, 2013, 101’, JBAES
Pelikula hau memoria zatiz sortua da. Oraina, izan zitekeena eta azkenik, historia denaren memoria zatiek osatzen dute. Bi denbora eta bi esperientzia nola konbina litezkeen galdetzen du, politikoa eta emozionalaren arteko gurutzaketa pantailan azaltzen saiatzen da: alde batetik, Lili eta Michaelen istorioa da, Beiruteko kostaldeko neguko paisaia suntsituan topo egiten duen bikotea. Euren oroitzapenak ekintza terrorista bati lotuta daude, leherketa bati, beraien alaba Elenaren desagerpenarekin lotuta. Bestetik, Masao Adachi zinemagile eta aktibista politikoaren off narrazioa entzungo dugu eta Beiruten izan zuen bere esperientzia kontatuko digu, ia 30 urte igaro zituen borroka klandestinoan. Bi kontakizunak gurutzatuz doaz, historia politiko eta maitasun historia, fikzioa eta dokumentala nahasten dituen mamu paisaia bikoitza osatu arte. Bi belaunaldi, eta politika eta zinema ulertzeko bi modu. Zein da militantziaren zentzua? Zein da damuaren papera? Posibleada elementu hauekin guztiekin pelikula bat eraikitzea edo, suntsitutako hiriaren eta noraezean doazen pertsonaiek azaltzen duten bezela, ezinezko saiakera da?
Pelikula hau memoria zatiz sortua da. Oraina, izan zitekeena eta azkenik, historia denaren memoria zatiek osatzen dute.