Wikipedia ikuspuntu askotatik uler eta azter daiteke. Horietako bat praktika komunitate gisa ikustean datza, talde mota horien oinarrizko ezaugarrietako batzuk betetzen baititu: ezagutza eraikuntza kolektiboa, ikaskuntza eta esperientzia partekatua, interes komuna, etab. Alabaina Wikipediak garatzen den ingurunearekin (World Wide Web), bere lankidetza-modu espezifikoarekin eta sortzen duen ezagutza motarekin zerikusia duten alderdi berezi batzuk erakusten ditu.
Saio honetan, hain ezagunak ez diren baina interes berezia ematen dioten ezaugarri horietako batzuei buruz hitz egingo dugu. Bereziki, honako gai hauek landuko ditugu: aditu, amateur eta lego ezagutzen arteko interakzioa, Wikipedian bizi diren joera desberdinak, eztabaidaren eta adostasunaren arteko harremana, eta ezagutza modu irekian partekatzearen balioa, gaur egungo ezagutza gero eta pribatizatuago eta merkaturatuago dagoen testuinguruan.
Antonio Casado, Eduard Aibar eta Marina Garcés-en parte-hartzearekin.
Medialab Tabakalera praktika-komunitateetan lan egitea bultzatuz.