Yannick Guédon

Yannick Guédon konpositore, abeslari eta interprete frantsesa da.


Haren lanaren ardatza tinbreen aldaketa txikiak, barne-pultsazioaren sentsazioak eta denboraren, isiltasunaren eta errorearen nozio subjektiboak dira. Bereziki erreparatzen die egoera musikal bakoitzaren lekuari eta testuinguruari.
2006tik 2010. urtera, hainbat pieza konposatu zituen, hala nola soloak eta kintetoak, bitarteko nagusi gisa ahotsa erabiliz eta ahotsak ematen duen tinbre aukera zabala baliatuz. 2011n, a_t e m p _ s soinu-egoeren zikloari ekin zion, instrumentu nagusi gisa honako hauek erabiliz: ahotsa, treble viola da gamba eta multzo elektroakustikoa. 2015etik, Chaque Chose zikloa sortu du: lehen pieza Dedalus Ensemble taldeak eskatu zion, bigarrena, 2016an, Busolini/Walker bikoteak, eta 2018an, 7 abeslarirentzako obra bat estreinatu zuen Frantziako Saint-Nazaireko Radôme espazioan.


Hainbat musikari eta konpositorerentzat ere jo du, besteak beste honako hauentzat: Antoine Beuger, Rodolphe Bourotte, Pascale Criton, Mattieu Delaunay, Julia Eckhardt, Bryan Eubanks, Jürg Frey, Loïc Guénin, Kristoff K.Roll, Catherine Lamb, Rebecca Lane, Michael Pisaro, Éliane Radigue, Michael Schmid eta Roland Hayrabedian-en ganbera-abesbatza garaikidea.


Horrez gain, koreografo hauekin lan egin du: Chazallon&Chaput, Philipp Gehmacher, Marcos Simoes&Lilia Mestre, Varinia Canto Vila eta Rémy Héritier. 2002. urtetik, leku bakoitzera egokitutako emanaldietan parte hartu du Laurent Pichaud koreografoarentzat.