Yuku eta Himalaiako lorea, Arnaud Demuynck eta Rémi Durin

PROIEKZIOA ETA AUKERAKO TAILERRA KAMELEOIAK GARA!

Familiarekin gozatzeko animaziozko film luze baten emanaldia. Saioa, nahi duenarentzat, Kamaleoiak gara!-ren tailer berri batekin osatzen da! zinemarekin lotutako gaiak eta teknikak kolektiboki lantzeko tailerra hain zuzen. Zinera eta lantegira sarrerak ateratzeko HEMEN klikatu (5 urtetik gorako haurrentzako tailerra).

Yuku eta Himalaiako lorea, Arnaud Demuynck eta Rémi Durin, Belgika, Frantzia eta Suitza, 2022, 65’

Munduko mendi garaienen tontorretan bizi da eguzki-argi garbienaz elikatzen den landarea… Himalaiako lorea. Yuku sagutxoak familia atzean utzi eta betiereko argia duen lore horren bila abiatuko da bere amamari eskaintzeko, hura laster eramango du-eta sator itsuak Lurraren sakonera. Baina lorea aurkitzeko, Yukuk oztopoz betetako bidea gainditu beharko du: gaztelu azpiko estolda-arratoien eremu beldurgarria zeharkatu beharko du, bele anker eta gosetien belardia, denak galtzen diren baso sorgindua, eta batez ere… otsoak zaintzen duen Ikararen Zubia! Bidaian zehar, ordea, bere musika eta kantuei esker, Yukuk lagun asko egingo ditu. Eurak dira bizitzaren abenturan arrakasta izateko euskarririk onena