Zabaltegi Tabakalera Donostia Zinemaldiko lehiaketa-sail irekiena da; ez du araurik, ezta estilo edo denbora mugarik ere.
![](/sites/default/files/styles/breakpoint_376/public/2022-05/id36890-zabaltegi_tabakalera.jpg?itok=OeMVxajY)
Zabaltegi Tabakalera Donostia Zinemaldiko lehiaketa-sail irekiena da; ez du araurik, ezta estilo edo denbora mugarik ere: film laburrak, ertainak, luzeak, fikzioa, ez-fikzioa, animazioa, telesailak, ikus-entzunezko instalazioak, etorkizuneko aurkikuntzak nahiz klasiko garaikideak. Begirada eta molde berriak bilatzen dituen zinemarentzat lekua duen sail bat da, eremu ireki eta ausarta benetan.
Bertan parte hartzen duten filmak Zabaltegi - Tabakalera saria eskuratzeko lehiatuko dira. Esandako sari hori 20.000 €-ekoa izango da; horietatik 6.000 € film irabazlearen zuzendariak jasoko ditu, eta gainerako 14.000 €, berriz, film irabazlea Espainian banatzen duen enpresak.
Zabaltegi - Tabakalera saria gutxienez zinema eta kulturako 3 profesionalek osatutako berariazko epaimahai batek aukeratuko du.
![](/sites/default/files/styles/breakpoint_376/public/2022-05/id36890-zabaltegi_tabakalera.jpg?itok=OeMVxajY)