Zine-collage. Ikus-entzunezko sorkuntza eta muntaia

Liburuen ilustrazioak zinema bihur daitezke? Eta diskoen azalak? Edo aldizkari bateko argazkiak? Nola egin kamerarik gabeko filmak? Lantegiak irauten duen egunetan, Medialaben funtsetan murgilduko gara eta filmak egingo ditugu haiekin. Eskuekin, bideo-edizioko programekin, eta batzuetan kamerarekin, lan egingo dugu. Baina, batez ere, irudiekin amets egiteari eta istorioak kontatzeko duten ahalmenari gustua hartuko diogu.

Lau egunez, ikus-entzunezko collagean eta artxiboko materialean oinarritzen diren egileen lanak ikusi eta komentatuko ditugu gure filmak sortzeko. A los libros y a las mujeres canto proiektu pertsonalaren esperientzia ere partekatuko da. Ikusitako estrategietatik abiatuta, sorkuntza- eta muntaketa-ariketak egingo dira, Medialabeko materialak (liburuak, diskoak, aldizkariak, fanzineak, filmak...) eta lantegiak irauten duen egunetan filmatu daitezkeen irudiak erabiliz. Interes eta memoria pertsonaletatik abiatuta, taldean partekatu eta gozatuko dugun azken pieza bat sortuko dugu.