Amaia Vicente artista eta ikertzailea da. Gaur egun, Doktoregoa egiten ari da Arte Ederren fakultatean, Arte eta Teknologia sailean. 2016an Arte Garaikide, Teknologiko eta Performatiboko Nazioarteko Masterra egin zuen, UPV-EHUren bidez eta Erasmus + Ikerketarako beka batekin, “Interface Culture” masterrean, Kunst Univertsität Linz-en, Austrian. Horretaz gain, 2010ean Ikasketa Feministak eta Generokoak Masterra egin zuen.
2023an hainbat erakusketa egin ditu, hala nola Fire Station Creative-n, Eskozian, Erresuma Batuan; Berlingo Kiezkapelle-n; eta MEM jaialdian, Bilboko Guggenheimean 2022an ere, adibidez, Londresko Filet-en (Erresuma Batua) izan zuen erakusketa, baita Bilboko Espacio Manzana-n ere. 2021ean ADIIF JAIALDIAN; Cannesko zinemaldian (Frantzia); FemTourTrack-en, bideo-ekoizpen feministen nazioarteko jaialdian (Stockholm, Suedia); edota BAD – Bilboko Antzerki eta Dantza Garaikidearen Jaialdiaren XXIII. edizioan (Bilborock aretoa, 2022). 2020an, bestalde, erakusketa egin zuen VALA kolektibo gisa Ur Deposituaren Aretoan (Montehermoso, Vitoria-Gasteiz). 2019an MEMen egon zen, Nazioarteko Arte Esperimentalen Jaialdian (Bilbo). 2018an erakusketa egin zuen WRO Art Center-en, AIR WROk komisariatua, Wroclaw-en (Polonia), baita “SHE DEVIL X. RESISTERS” jaialdian ere (Studio Stefania Miscetti, Erroma). 2017an erakusketak egin zituen AFOn, Architekturforum Oberösterreich-en (Linz, Austria); eta Fabra i Coats-en, Bartzelonako Centre d’Art Contemporani-n; eta 2016an honako hauetan erakutsi zituen bere obrak: “Radical Atoms and the alchemists of our time”, Ars Electronica Festival jaialdian (Linz, Austria); Augsburgoko (Alemania) LAB30 Festival jaialdian; eta Kunsthausek komisariatutako “Bilbao-Bregenz: 10 Jahre Künstleraustausch” erakustaldian (Bregenz, Austria).
Hainbat egoitza beka lortu izan ditu, hala nola Villa Guarini, Salenton (Puglia, Italia, 2019); AIR WROn, Etxepare Euskal Institutuarekin, Polonian; “Piazzetta Durante. VitrinaX”-en (Napoles, Italia, 2018); edo Txema Aguirianok eta Enrique Tomásek komisariatutako LinzIMPORT proiektua (Linz, Austria, 2017); eta AFO – Architekturforum Oberösterreich-en (Linz, Austria). Mintzaldi eta lantegi ugari ere egin ditu: 2022an “Inmaterial: The Wrong Biennale”, Tabakaleran, Donostian; 2021ean, Bilbaoarte Fundazioko BAGIn edo “Inmersiones” Vitoria-Gasteizko Zas Espazioa Kulturren; 2018an “Soundscape Of Wroclaw” lantegia egin zuen Strefa Kultury Wroclaw-ko Barbara aretoan (Wroclaw, Polonia); eta 2017an Technarten izan zen (Bilbo).