The Arbor, Clio Barnard / + Laura Mulvey-rekin solasaldia

The Arbor, Clio Barnard, Erresuma batua, 2010, 94'

Pelikularen izenburua, The Arbor, 1977 urtean 15 urte bakarrik zituela Andrea Dunbarrek idatzitako antzezlanaren izenburu berdina da. Dramagilea Mendebaldeko Yorkshiren (Ingalaterra) kokatutako Bradforden bizi zen. Hiria krisi postindustrialak oso markatua zegoen pobreziara eta biolentziara kondenatutako langile klase biztanleriarekin. Besteak beste, alkoholismoa, abusuak eta arrazismoa egunerokotasunaren parte ziren Bradforden. 1980 urtean obra antzerkian estreinatu zen. Horren izan zen arrakastatsua Dunbarri bigarren obra bat enkargatu ziotela eta 1982 urtean Rita, Sue and Bob Too idatzi zuen. 1986 urtean Alan Clarkek zinera adaptatu zuen. Dunbarrek inoiz idatzi zuen azken obra 1986 urtean izan zen Shirley izenekoa.

Andrea Dunbarren karrera arrakastatsua bizitza gogor batekin batera bizi izan zuen. Nerabe zelarik hiru seme-alaba izan zituen (bakoitza gizon ezberdin batena) eta alkoholikoa izan zen 29 urte bakarrik zituela buru hemorragia batengatik hil zen arte. 2010 urtean Clio Barnard zine zuzendariak Dunbarren bizitza hartu zuen abiapuntu.

The Arbor egiteko. Pelikularen ezaugarri interesgarrienetako bat dispositibo zinematografiko ezberdinen konbinaketa da. Alde batetik, proposamen orijinalenetako bat: Clio Barnardek Dunbarren gertuko jendea elkarrizketatu zuen bi urteetan zehar.

Gero, soinu muntaia bat egin eta gero aktore ezberdinekin lan egin zuen elkarrizketan interpretatu zitzaten bikoizketa sinkronizatuz. Bestetik, Bardnarrek The Arbor antzezlanekin eszena ezberdinak aukeratu zituen aktoreek zuzenean antzeztu zitzaten Dunbarren auzoan aktoreen eta biztanleek konbinaketa lortuz.

Azkenik, Andrea Dunbarren artxibo irudiak erabili zituen 1980 urtean BBC-k erreportai bat egin zuelako. Ondorioa historia gogor bat kontatzeko distantzia egokia daukan pelikula bat da gaiari dagokion errespetua erakutsiz. Ikusleak zenbait gairen inguruan hausnartzeko aukera izango du: Tatcherren ondorengo Inglaterraren langile klasea, amatasuna, memoria etazinea bera.

Laura Mulveyk Tabakalera bisitatzen du EQZEk gonbidatuta, Hezkuntzaren Historiari eta Pedagogia Zinematografikoari buruzko Ikerketa Programako gonbidatu gisa, zehazki EQZEk bultzatutako Genealogías del aprendizaje: educación, pedagogías y metodologías cinematográficas ikerketa proiektuan.

Filmaren amaieran Laura Mulveyk Lur Olaizolarekin solasean arituko da proiektatutako filmaz.