Betile crocanti 2024

Betile crocanti espazio kolaboratibo eta esperimentala da, baztertutako, alboratutako edo erabilitako materialak birmoldatzeko, eraldatzeko, josteko eta larru, hezur eta egitura berrietan bihurtzeko. 

Gune honen helburua gazteei zuzendutako talde irekia sortzea da, modu kolektiboan eta josturaren bidez hondakinei eta aparteko elementuei alternatibak bilatzeko. Material horiek biltzen dituzten iturriak bilatzen ditugu, berreskuratu eta ehun-mota berriak, jantzi, eskultura eta tramankulu mota berriak sortzen ditugu, ahalik eta bizitzarik handiena aurkitzeko, haien patua aldatzeko eta, agian, gure ohituren eta ekoizpenen alternatibak aurkitzeko.

Joskintza bere zentzu zabalean ulertzen dugu, egite zehatzetik hasi eta ainguratzeko tresna gisa erabiltzera arte, material, esperientzia, ezagutza eta desezagutza horiek guztiak batzen dituena.

Desira, sentimendua eta fantasia funtsezkoak dira gure bilaketa eta sorkuntzarako.

2024. urtean, Maider Aldasoro artistaren eskutik, gure gorputzetik abiatuta patroiak egiten eta burutik oinetaraino jantzi bat sortzen saiatuko gara, gorputz osoko pertsonaia berri bat, alter-ego bat edo izaki fantastiko bat sortuz. Prozesua aberasteko eta gure sorkuntzei ikuspegi berriak emateko, Estela Miguel artista eta Proyecto Hemen-eko sortzaileetako bat eta Mikel Ruiz Pejenaute artista eta JALEO kamiseta-markaren sortzailea izango ditugu.

Sarrera librea da edukiera osatu arte. Topaketak 11:00etatik 14:00etara izango dira, egun hauetan:

Otsailak 3 – Burutik gerrira

Martxoak 2 – Burutik gerrira

Apirilak 6 – Burutik gerrira

Maiatzak 4 – Besoak eta eskuak

Ekainak 1 – Besoak eta eskuak

Irailak 7 – Ipurdia, tripak eta oinak

Urriak 5 – Ipurdia, tripak eta oinak

Azaroak 2 – Dekorazioak eta estrak

Abenduak 7 – Prozesuaren amaiera