Burden, Richard Dewey y Timothy Marrinan, AEB, 2016, 90', JBAES, DCP
Lehen saioa: Chris Burden Kaliforniako Unibertsitateko ikasle gazte bat zen bere gradu amaierako tesirako eskolako armairuan giltzapetzea erabaki zuenean. Eta bertan izan zen bost egunez eta bost gauez, ikaskideek eta irakasleek egiten zizkioten galderei erantzunez eta ekintza hori artelan bihurtuz (Five Day Locker Piece, 1971).
Bigarren saioa eta ospea: hilabete batzuk geroago, eta galeria baten espazioan, lagun bati eskatu zion bost metroko distantzian 22. kalibreko errifle batekin bere kontra tiro egiteko. Emaitza: zauri bat eta kea besoan eta historia garaikideko performance gogoangarrienetako bat (Shoot, 1971). Burden artearen Olinpoan sartu zen horrela, bi urrats eginez eta premiaz. 1970eko hamarkada zen, eta gorputza eta horren mugak –performance, body-art, happening, ekintza?– ez ziren berehalakoan desagertuko: Joan Jonas, Marina Abramovich, Ulay, Richard Burden…
Film dokumental honek artistaren ibilbidearen 45 urte jasotzen ditu artxiboko irudien, elkarrizketen, argazkien eta artistaren artxibo pertsonalaren bidez: mugak bilatu nahian gorputza eta urraketa etengabe nahasten zireneko hastapen basatietatik hasi eta gerora erakunde artistikoarekin desengainatu eta eskulturaren bideak jorratzea erabaki zuen arte. Zinema garaikidearen bidez artisten erretratuen inguruan antolatu dugun zikloaren lehen kapitulua da gorputzak artean duen papera ulertzeko ezinbesteko figura baten erretratu hau.
Film dokumental honek Chris Burden artistaren ibilbidearen 45 urte jasotzen ditu artxiboko irudien, elkarrizketen, argazkien eta artistaren artxibo pertsonalaren bidez.