Chico y Chica. José Luis Rebollo, Alicia San Juan

Chico y Chica tekno-pop musika-talde bilbotarra da. Alicia San Juan eta José Luis Rebollok sortu zuten, laurogeita hamarreko hamarkadaren bigarren erdian.

Sei album argitaratu dituzte: Si (2001), Status (2004), Los estudiosos (2012), Rapsodia de los estudiosos (2012), Arcoiris (2013), Notario (2016) ; baita hainbat single eta EP ere: No me preguntes la hora (2000), Bomba latina (2007), La joven investigadora (2011), Findelmundo (2014), Un, dos, tres, orgasmo (2017).

Ohiko musika talde bat baino gehiago, Chico y Chica lantalde gisa aritzen dira, eta euren unibertso propioa sortu dute abestien, bideoen, irrati-nobelen, akzio-serialen eta beste hainbat arte-adierazpenen bidez, hasi sukaldeko errezeta sortetatik eta performanceak edo zuzenean musikarekin loturarik ez duten ekitaldiak egiteraino.