Datuen boterea

Datuak boterea badira, noren esku dago botere hori? Datuak sortzeko lantegia

Lantegi honetan harremanetan jarriko dira datuen munduko adituak (ezagutza, gaitasuna eta esperientzia dutenak) eta proiektu-ideiak dituzten pertsonak (beharrizan zehatzak dituztenak, datuekin egindako lan bat behar duten kolektiboetako kideak…).

 “Datuen boterea” jardunaldietarako, espazio bat egokituko da Hirikilabsen 4 egunetan zehar lankidetzan aritzeko eta datuei buruzko proiektuak garatzea ahalbidetuko duten gaitasunak, ezagutzak, ideiak eta beharrizanak partekatzeko.

4 egun horiek baliagarriak izango dira proiektuak xehe-xehe diseinatu eta haien bideragarritasuna eta interesa ebaluatzea ahalbidetuko duten lehen prototipoak egiteko. 4 egunak igaro eta gero hautatutako proiektuak “Datuen boterea” izeneko bigarren fasean garatuko dira, 2019ko urrian, Hirikilabsen.

Programa *Ez da beharrezkoa ordu/egun guztietan parte-hartzea:

27, 28: 11:00 - 14:00 / 16:00-19:00

29: 11:00 - 14:00 (Proiektuen aurkezpena)

Lantegietako lan-ildoak hurrengo hauek izango dira baina proiektu ideia edo gai berriren bat proposatu nahi baduzu idatz iezaguzu hirikilabs@tabakalera.eu helbidera.

• Herritarren partehartzea:  nola sor daitezke komunitate berriak datuen inguruan eta nola egin eta biltzen dira herritarrek sorturiko datuak.

• Ekologia eta ingurunea: datuen argitaratzea eta hauen analisia erabiliaz ikerketa berriak nola sor daitezke? Datuak tradizionalki mugatu edo itxia izan den sektore batean transbertsalitatea sortzeko aukera bezala.

• Kultur etakundeak eta laborategi hiritarrak: Nola eta noraino iritsi daiteke herritarren partehartze era honetako erakundetan? Eta hauen ebaluazioan? Lan ildo honel erakundeek beraien lan egiteko moduak eta gestioa nola ireki hausnartuko du.

• Komunikabideak eta politika: Zein mekanismo jar daitezke martxan komunikabideen jarraipen eta ebaluazioa egiteko? Zein tresna imajina ditzakegu erakunde politikoek beraien aktibitatea eta programa politikoei buruz kontu emateko?