Kursaal Kongresu Jauregia eta Tabakalera elkarlanean ari dira bigarren urtez, Jauregiaren fatxada ikonikoaren gabonetako argiztapena arte digitalaren sorkuntza izan dadin. Bi erakundeek, berrikuntza eta zabalkunde kulturalaren aldeko apustuan, laugarrenez indarrak batu dituzte proposamen artistiko berri bat garatzeko, eta horrela, fatxada mihise digital bihurtuko da berriro gabonetan. Alba G. Corral programazio algoritmoekin eta pintura digitalarekin denbora errealean sortutako artelanaren egilea da.
Fatxada hilaren 22an piztuko da, 18: 00etan, eta pieza urtarrilaren 6ra arte egongo da ikusgai, 18: 00etatik 22: 00etara.
Alba G. Corralen bigarren pieza da, Kursaalean proiektatzen dena; 2022ko irailean, Entremaliat instalazioa aurkeztu zuen, eraikinarekin elkarrizketa bat sortu zuen arte sortzaileko pieza, argia paisaiaren beste elementu bat bezala erabiliz. Oraingoan, Katalunian (La Ràpita) bizi den artistak Estel (katalana) izeneko pieza garatu du. Hitz hori astroekin lotzen da eta zeruan ikusten den edozein gorputz zerutiar eta distiratsuri erreferentzia egiten dio. Instalazioa programazio-algoritmoekin eta pintura digitalaren teknika denbora errealean erabiliz sortu da, eta zeruan irudizko astroen fintasuna, pintzel digitalen magia eta izar-partikulen lehergarritasuna kontatzen ditu. Aurreko piezan bezala, kasu honetan ere 7 minutu eta 42 segundoko iraupena duen lana Medialab Tabakaleran garatu da.
Alba G. Corral, Kursaalen proiektatuko den, programazio algoritmoekin eta pintura digitalarekin sortutako artelanaren egilea da.
