François Jullien

François Jullien filosofo eta sinologoa Paris-Diderot unibertsitateko irakaslea eta Frantziako Unibertsitate Institutuko kidea da. Pentsamendu Garaikidearen Institutuko zuzendaria da, eta haren lana hogei bat hizkuntzara itzuli da. Parisko Goi Mailako Arauzko Eskolan jaso zuen prestakuntza, eta txinatar hizkuntza eta pentsamendua ikasi zituen Pekingo eta Shanghaiko unibertsitateetan. Doktorea da Ekialde Urruneko ikasketetan. Jullien Txinatar Ikasketen Frantziako Elkarteko presidente izan zen 1988 eta 1990 artean, Paris VII Unibertsitateko Asiar Ikasketen Saileko zuzendari izan zen 1990etik 2000. urtera, eta Filosofiako Nazioarteko Elkargoko presidente 1995etik 1998ra.

Jullienek Flammarion argitaletxearen “L'Agenda de la pensée contemporaine” zuzentzen du, eta, horrez gain, Txinan enpresak ireki nahi dituzten mendebaldeko negozioen aholkularia da. François Jullienen proiektuaren orijinaltasuna da bere obran Txina filosofiara bueltatzeko itzulinguru bihurtzen dela. Haren asmoa da mendebaldeko pentsamendutik ateratzea, modu erradikalagoan galdetu ahal izateko, hau da, erroraino iristeko: premisak, oinarriak, askotan ustekabekoak.