Gabriela Sagarminaga

Gabriela Sagarminaga produktu-diseinatzailea eta artisau-tekniken ikertzailea da. Gizarte-berrikuntzaren hainbat esparrutan lan egin du Latinoamerikan (Living Lab bat kontzeptualizatu du Medellíngo Alkatetzarentzat, eta Daungiro ikerketa-proiektua garatu du), baina baita modaren sektorean ere (Custo Barcelonaren prototipatze-sailean). Horrez gain, askotariko ekitaldiak sortzen eta antolatzen aritu da, hala nola Borobilbi jaialdia (Zaborrarekin ikasten, Bilbon), OSCEdays (Open Source and Circular Economy days, Bilbon eta Frantzian) eta Barcelona Bridal Week.

Gaur egun barne-dekoraziorako produktuak diseinatzen ditu eta WOW proiektuaren sortzaileetako bat da. Ehungintza-proiektu hori ekonomia zirkularrari eta memoria historikoari lotua dago, eta helburu gisa du desagertzear dauden tokiko ehungintza-teknikei balioa ematea eta azken joerekin uztartzea.