HOLOBOT. SOCIAL GARDEN espazio-itxurako pieza artistikoa da. Bertan elkartzen dira sare sozialetako erabiltzaileen arteko loturetako batzuk, eta errealitate begetal holografiko batean hibridatzen ditu. Robot industrialak, interprete-lanak eginda, erabiltzaileen interakzio sozialak alegiazko lorategi handi baten itxurako konposizio bilakatzen ditu. Hori osatzeko, bertaratutakoen parte-hartzea eta sare sozialetako jarduera baliatuko ditu, Bilbao Exhibition Center-en ekainaren 13tik 17ra egingo den Makina-Erremintaren Nazioarteko Bienalaren 31. edizioan zehar. Horren helburua da teknologiaren eta naturaren arteko analogia sortzea, gizarte-testuinguru jakin batean, non teknologia eta giza-interakzioak saihetsezinak diren. Holobotek, bere begiradaren eta kontzientzia ekosistemikoaren bidez, nolabaiteko alegiazko izakiz osatutako paisaia bat marrazten du.
Holobot. Social Garden Tabakalera Nazioarteko Kultura Garaikidearen Zentroaren eta VR Kommand-en artelan bat da, Tekniker eta KUKArekin lankidetzan egindakoa, eta Eusko Jaurlaritzaren babesa duena.
