Miranda Pennell Londresen bizi den artista eta zinemagilea da. Antropologia bisuala ikasi zuen, eta arrasto hori egiten dituen film laburretan antzematen da. Evil Eye erakusketarako, Strange Object filma aurkezten dugu, 2010ean ekoitzi zuen 15 minutuko ikus-entzunezko pieza. Filma honetan, artistak aireko perspektibaren eta gerra totalaren arteko harremana aztertzen du, Orson Wellsen Munduen gerra (1898) eleberrian lehen aldiz azaldu zen kontzeptua: inolako muga moralik gabeko erabateko suntsipenera daraman gerra. Pennellen hitzetan, Strange Object bideosaiakeran, «kolonizatutako lurralde ezezagun baten aireko argazkiak ateratzen dira, historiaren irudiei, ahanzturari eta narratibei buruz hausnartzeko abiapuntu gisa». Zuri-beltzeko irudiek narratzailearen ahots leunarekin batera sortzen duten ilusioak zientzia fikziozkoak edo existentzia bera bezain errealak izan daitezkeen munduak erakusten dizkigu.
