Natascha Sadr Haghighian artistak izen eta nortasun ezberdinak hartzen ditu, lan edo testuinguruaren arabera.
Erakusketan bi lan ditu, hoietako bat vice/virtue da. Pilatuta dauden orri zurien gainean proiektatuta ikusten ditugu bi irudi, etengabeko mugimenduan. Batak kartzelako patio bat irudikatzen du, eta besteak eszenatoki bat. Hogei segunduro irudiek bira egiten dute, kartzela eszenatokia bihurtuz eta eszenatokia kartzela. Artistak bijilantzia eta ikuskizuna harremantzen ditu. Bi esposizio-kontzeptu itxuraz kontrajarriak: foku bat bizioaz harro agertzen den bitartean, bestea bertuteaz dago harro. Argi-sorta batek ikusgai jartzen duena zigorra den bitartean, besteak saritzeko argiztatzen du. Betiereko gurpilean harrapatuta, bi eszenatoki hauek makina segregatzaile berdinaren baldintzapera bihurtzen dira; elementuak etengabe isolatzen dituena, eta on eta gaizto, adoratu eta gorrotatu, hautatu eta baztertu bihurtzen dituena.
