IKUSMIRA BERRIAK 2025: FILM LABURRAK

IKUSMIRA BERRIAK 2025: FILM LABURRAK

Ikusmira Berriak egonaldi-programan aukeratuak izan eta beren proiektu zinematografiko berriak Tabakalerako Zinea eta Ikus-entzunezkoak Laborategian garatzen ari diren zuzendariek sinaturiko film laburren aurkezpena.

Euskal kategoria

TODO LO CUBRE LA SAL, Joana Moya Blanco, Euskadi, 16’

Berrogeita hamazazpi dira Euskal Herriko kostaldeetan egun lan egiten duten saregileak, denbora etenda balego bezala mantentzen duten antzinako lan hau eginaz. Eskuak gatzez estalita, etenik gabe ehuntzen dute, isilik. Itsasoaren eta bere misterioaren zati dira saregileak. Itsasontzi baten alertak gaua hautsi du, itsasargi baten argiak inguru guztia argitzen du, marinel bat jitoan dago, uraren pentsamenduen barrena eta esku batzuk dantzan dabiltza, sareekin uztartzeraino. Film laburra Kimuak katalogoaren parte izan zen eta Doclisboa, Zinebi eta Malaga bezalako jaialdietan programatua izan zen.

Espainiako kategoria

LOS PÁRAMOS, Jaime Puertas Castillo, Espainia, 2019, 45', JB ES

Lur hauek beste izen bat izan zuten iraganean. Beste izaki batzuk bizi izan ziren bertan. Izaki horiek hirian fundatu dituztela diote. Eraiki zituzten harri profetikoek aintzinako botere bat zeukatela. Botere ilun horrek benetan bagarela sinestarazten digun lilura batean lotuta gauzkala. Baina inork ez du ezer gogoratzen jada.

Nazioarteko kategoria

COWBOY BILLI, Fede Gianni, Italia, 2024, 15’

Hirurogeiko hamarkadaren amaieran gaude eta Erroma inguruko landazabalean, loratzen ari diren langileentzako aldiriak eraikitzeko obrekin batera, dozenaka cowboy-film filmatzen dira. Billek hamabi urte ditu, zaldiz ibiltzen da eta cowboy izatea du amets.

Nazioarteko kategoria

BAD FOR A MOMENT, Daniel Soares, Portugal, 2024, 15’

Cannesko Jaialdiko Epaimahaiaren Aipamen Berezia. Taldeak hezteko ekitaldi bat gaizki joan da eta arkitektura-estudio bateko jabea eta bere enpresa burgesten ari den behe-klaseko auzoa aurrez aurre ipini ditu.

Elías Querejeta Zine Eskola kategoria

IRENE, Alexandra Latisehv, Costa Rica, 2014, 27’

Irene ama ezkongabea da eta kopia-denda batean lan egiten du. Santiago zazpi urteko semearekin eta Dinia ama kontrolatzailearekin bizi da. Halako batean Diego ezagutu du, elkarrekin irten eta Irene mozkortu egin da. Gaizki atera den elkartze horren ondorioz sexualitateari, amatasunari eta amarekin duen harremanari loturiko krisi bat izango du Irenek.

Nest kategoria

SOMBRAS NADA MÁS, Kathy Mitrani, AEB, 2023, 18’

Marisolen senarraren heriotzaren urtemugan, auzokoaren obrek giza-hondakinakazaleratu dituzte. Ameslari superstiziosoa den Marisol aurkikuntza horren kointzidentziarekin izutu egin da, bere hilkortasunari aurre egiteko beharra sentituz. Leeds eta Bogoshortsen saritua izan den film laburra.