Gure itsaspekoak Medialabeko ateak zeharkatu eta kalera atera da esperientzia eta abentura berriak bizitzera.
Txiki eta heldu, elkarrekin, jolasten esperimentatzeko tartea izango dugu hau. Gorputza aztindu, materialak deskubritu, testurak dastatu edota formekin jolastu nahi baduzu, sartu itsaspekora!
*Saioen izaera esperimentala dela-eta, etorri zikintzeko prest!
*Eguraldi txarra egingo balu lantegia Medialaben izango da.
Uztailak 6 -- Magnolioa jantzi
Zein soineko jantzi nahi duzu udara honetan? Gaurkoan arropa diseinatzaile bihurtuko gara.
Uztailak 20 -- Non dago?
Gure plazak zerbait izkutatzen du, zer izango ote da? Zatoz bilatzera eta deskubritzera.
Abuztuak 3 -- Hip hip! Ura! BERTAN BEHERA
Gaurkoan hau, hori eta ura izango dira gure jolas lagunak.
Abuztuak 17 -- Goiz borooooobila
Borooooobilak izangooo dira gaurkoooo gooooiza booorooobilduko duten fooormak :-o
Uda honetan, Itsaspeko gorria magnoliatara aterako da.