Medialab, udan, aire zabalean ere bai.
Iritsi zaigu uda!
Eguzkia, haize leuna, lagunak, itsasoa, musika… eta Medialab magnoliatan!
Kanpoan goxo egoteko gogoz gabiltzanez, eraikinaren atarira jaitsi eta bertan egon eta egiteko aukera aprobetxatzea erabaki dugu. Ohiko espazioaz gain, Magnolia ederren itzaletan dagoen tokia zuretzat atondu dugu. Edukien aukeraketa bat eramango dugu, liburu, aldizkari, komiki eta jolasekin, adin tarte, gustu eta interes guztientzakoak. Udako programaren zati bat ere, hortxe egingo dugu, eta lekuak dituen berezitasunei zukua aterako diogu ziur.
Zatoz hortaz udako hilabete hauetan Tabakalerara, eta goza ezazu Medialab aire zabalean ere: gerizpean irakurri, jolastu, lantegietan parte hartu eta.... bihar berriz!