Jai ikasketa-programak (JAI) maiatzaren 31an hasiko du ibilbidea, eta arte-metodologiak trukatzeko eta transmititzeko gune gisa funtzionatuko du. Prestakuntza Tabakalerako Artisten Gunean izango da, maiatzaren 31atik abuztuaren 29ra bitartean.
Ibon Aranberri (artista), Asier Mendizabal (artista eta KKHko irakaslea, Stockholmeko Royal Institute of Art) eta Itziar Okariz (artista) izango dira tutoreak institutuaren edizio berri honetan, eta irakasle lanetan Moyra Davey & Nicolas Linnert, Jon Mikel Euba, Lily Reynaud Dewar, Lisa Tan, Maialen Lujanbio, Dis-coteca Flaming Star, Antonio Ballester, Xabier Salaberria, Chris Kraus, Ren Ebel, Jan Peter Hammer, Patricia Esquivias eta María Salgado.
Gainera, Institutuak Ikerketa Batzorde bat izango du, Beatriz Herráez (Artium Museoko zuzendaria), Oier Etxeberria (Tabakalerako (Donostia) CICCeko Arte Garaikideko arduraduna) eta programaren tutoreek osatua. Batzordekideak izango dira artista eskola osatuko duten 10 partaideen aukeraketa egingo dutenak.
Hauek dira programaren bigarren edizioan parte hartuko duten pertsonak: Amalie Eibye Brandt, Raúl Lima, Rebecca Jane Arthur, Silvia Coppola, Aldo Zetterman, Javier Rodríguez Pérez-Curiel, Lucía Chamorro Cortalezzi, Miren Barrena Rebe, Ane Berganza Santamari eta Jorge Moneo Quintana.
Jai ikasketa-programak (JAI) maiatzaren 31an hasiko du ibilbidea, eta arte-metodologiak trukatzeko eta transmititzeko gune gisa funtzionatuko du