Javier Díez-Ena

Javier Díez-Enak (Zaragoza, 1974) kontrabaxua eta theremina jotzen ditu eta musika elektronikoa egiten du. Dead Capo, Ginferno eta Forastero taldeetako kidea da. Insecto taldeko kide ere izan da, eta Ainara LeGardon (2006-2009) eta Aaron Thomas-en (2007-2011) bandetan ere parte hartu du. Horiez gain, askotariko beste artista eta talde batzuekin jotzen aritu da, estudioan eta/edo zuzenekoetan: Standstill, Damo Suzuki (Can), Javier Corcobado, Víctor Coyote, Julio de la Rosa, Javier Colis, Toundra, Bruno Galindo, Los Caballos de Düsseldorf, Hyperpotamus, Eh!, Susana Cáncer, Clint, Strand eta beste asko. Mundu osoko barruti eta jaialdi ugaritan jo du, eta 30 disko baino gehiagoren grabaketetan parte hartu du musikari gisa.

Thereminari buruzko tailerrak eta hitzaldiak eman ditu (MediaLab 2007, Encuentros Klabbing 2008, Red Bull Music Academy 2012, TED Madrid 2013, Fundación Telefónica 2016, etab.), baita nazioartean ere: besteak beste Mexiko Hirian (Espainiako Kulturaren Zentroa Mexikon 2018) eta El Salvadorren (casa Tomada 2018).

Madrilgo Fundación Canal fundazioaren Entzunaldien saria irabazi zuen 2009an, musika elektronikoaren kategorian.

Kazetari ere lan egin du. Aipatzekoak dira, besteak beste, 2009tik atal finko bat duela Carne Cruda irratsaioan (Radio 3, Cadena SER, Diario.es) eta kolaborazioak egiten dituela Rockdelux aldizkarian.

2017an “Theremonial” argitaratu zuen (Ale Hop! / Beat Generation Records), theremina soilik erabiliz eginiko album kaleidoskopiko bat. Bertan, musika-tresna horretaz baliatzen da askotariko musika-rolak betetzeko: perkusioa, baxua, melodia, harmonia, etab.