John From, João Nicolau, Portugal/Frantzia, 2015, 98'
Zine portugaldarrari eskainitako zikloarekin jarraitzen dugu. Hilabetean behin zinemagile garaikide bat gonbidatuko dugu bere obra aurkeztu dezan eta bere lanean erreferente izan den eta Portugalekin lotura duen pelikula bat aukera dezan. Oraingo honetan João Nicolau izango dugu gonbidatua, John From filma aurkezteko xedearekin Tabakalerako zinean izango dena.
Lisboa tropikala: Rita eta Sara bere udako egunak elkarri mezu sekretuak bidaltzen pasatzen dituzten bi nerabe dira, kultur etxeko organoa jotzen dute eta leku batetik bestera pasiatuz doaz, behin hegoaldeko itsasoen inguruko erakusketa bat aurkituko duten arte. Orduan, euren bizitza eszenatokiz aldatuko da eta palmera, ukelele eta tribu maskaraz beteko da. Maitasun eta ametsen garaia izango da, baita kolorearena eta abenturarena ere.
João Nicolau zuzendariaren John From pelikularen emanaldia, zuzendariak berak aurkeztua.