Juan Pérez Agirregoikoa

(Donostia/San Sebastián, 1963)

Nazioartean entzute handia duen artista da. Reina Sofia museoko (Madril), MUHKAko (Anberes) eta Artium, Arte Garaikidearen Euskal Zentro-Museoko (Vitoria-Gasteiz) erakusketa programetan parte hartu du. Era berean, bere presentzia nabarmenduz joan da arte garaikidearen nazioarteko galeria eta bienal garrantzitsuenetan. Forma herrikoiak (hala nola marrazkiak, afixak eta, kasu honetan, musika herrikoia) modu berezian erabiltzen dituelako da ezaguna bere lana. Izan ere, uste osoa du forma horiek mundu ezegonkor baten aurrean duten gaitasun kritikoan eta plastikotasunean.