Laban mamu txikia. A ze beldurra! , Alicja Björk Jaworski, Karin Nilsson, Lasse Persson i Per Åhlin

PROIEKZIOA ETA AUKERAKO TAILERRA KAMELEOIAK GARA!

Familiarekin gozatzeko animaziozko film luze baten emanaldia. Saioa, nahi duenarentzat, Kamaleoiak gara!-ren tailer berri batekin osatzen da! zinemarekin lotutako gaiak eta teknikak kolektiboki lantzeko tailerra hain zuzen.

• Tailerrean parte hartzeko ezinbestekoa da proiekzioa lehenago ikusi izana.
• 3 urtetik gorako haurrentzako lantegia.

Laban mamu txikia. A ze beldurra! , Alicja Björk Jaworski, Karin Nilsson, Lasse Persson i Per Åhlin, Suedia, 2006, 45’

Laban, mamu txikia, bere familiarekin bizi da Moringsun gazteluan. Bere aitaren antzera, ingurukoak beldurtu nahi ditu, baina saiatu izanagatik ere ez du lortzen. Labolina, bere ahizpa, oso trebea da soinuak egiten, edozein soinu imitatzeko gaitasuna du. Gazteluan erregearen familia bizi da, eta erregearen semea, Michief printzea, Rufus haren txakurrarekin batera, Labanen lagun onenak dira. Protagonista den mamu txikiari, Labani, iluntasunak ematen dio beldurra.

Labanen istorioak Little Ghost pertsonaian du oinarria, Inger eta Lasse Sandbergek sortua. Grafismo xumeak eta koloretsuak Labanen familia ezagutzera eramaten du ikuslea, guztiak arduratuta dituen mamutxoa. Labanek nahiago du lagunekin ondo pasa eta inori minik ez egin.

Bi urtetik gorako haurrentzat gomendatua