Lantegi irekia: ISABEL HERGUERA

El SUEÑO DE LA SULTANAko lantaldeak filmaren garapena eta sormen-prozesua erakusteko, storyboardetik hasi eta konposizio digitaleraino, euren lan-espazioa irekiko dute.

Ekoizpen honen berezitasuna bere izaera piktorikoa eta kolaboratiboa da. Marrazkiak, akuarelak, tatuajea mugimenduan, itzalen antzerkia, errealitate areagotua, irudiaren eraikuntza istorioa kontatzeko gakoa den espazio batean daude.

Artisten jatorrizko lana eta ondoren teknika edo prozedura digitalera egindako egokitzapena erakutsiko dira lantegi irekien saio horietan.



Garatzen ari den proiektuaren sinopsia:

EL SUEÑO DE LA SULTANA

Inés artista gazte bat da, 1905ean argitaratutako El sueño de la sultana zientzia fikzio feministako ipuina deskubritzen duena. Bertan, Begum Rokeya Hossain egileak Ladyland deskribatzen du, emakumeak agintean dauden eta gizonak preso bizi diren lekua.

Istorioarekin liluratuta, Inesek bidaia bat egingo du Indian barrena, Ladyland eta bere egilearen arrastoen bila.


Estudioan lanean ariko den taldea:
Isabel Herguera - (Zuzendaritza)
Diego Herguera (produkzioaren koordinazioa)
GianMarco Serra – (Edizioa eta soinu-bandaren diseinua)
Chelo Loureiro (ekoizpena)
Eduardo Elosegi (konposizio digitala)
Sultana films, El Gatoverde producciones,Abano Produccions, Uniko, Fabian & Fred (ekoizpena)

Ordutegia:

Irailak 22

10:00 - 14:00

Irailak 23

10:00 - 14:00

16:00 - 19:00