Carmen Pardok Los cuerpos de la voz (Ahotsaren gorputzak) izenburuko hitzaldi bat emango du, zeinak abiapuntu hau izango baitu: hasiera-hasieran ahotsak zeri egiten dion erreferentzia eta gorputza alde batera utzi duen nolabaiteko idealismoa. Jarraitu zuzenean: streaming.tabakalera.eu
Ondoren, Itziar Okarizek Ujjayi perfomancea egingo du erakusketa-aretoan. Ujjjayi-k yogan erabiltzen den arnasketa mota batean dauka abiapuntua. «Ujjayi» hitzak «ni garailea» esan nahi du, nahiz eta beti «arnasketa ozeaniko» gisa itzultzen den, hori baita sortzen duen irudia. Piezaren izaera figuratiboa garrantzitsua da: arnasketaren soinuaren espazio abstraktuaren eta sortzen duen figurazioaren artean, ikurra eta zentzua bereizita, hautsita baleude bezala.
Carmen Pardoren hitzaldia eta Itziar Okarizen performancea.