Marraztearen eta ilustratzearen arteko ezberdintasunen eta puntu komunen arteko aurkezpen-eztabaida batetik abiatuta, bakoitzari dagozkion ezaugarriak argitzen saiatuko gara. Adibideen bidez, norberaren eskarmentutik eta ikuspuntutik emaitzak aterako ditugu.
Praktika ilustrazioko jolas-ariketa batekin gauzatuko dugu: abiapuntu bezala ausazko bi hitz erabiliko ditugu eta irudia garraiatzailea izango da. Parte-hartzaile bakoitzak bi hitzak lotzeko sekuentzia bat sortu beharko du, horretarako lotura kontzeptualak edo formalak bilatuz eta horiek irudietan bilakatuz.
Helburua da irudia esanahiaren edukiontzi eta eramaile moduan duen boterearekin lotzea; irudia osatzen duten osagai formalak eta kontzeptualak antzemanez kontatu nahi dugun horretarako erabiliko ditugu.
Sekuentzia lortutakoan, modu oso sinplean maketatzen ikasiko dugu, parte-hartzaile bakoitzak argitalpen txiki bat osa dezan.
Ane Zaldibarrek eskainitako lantegi honetan, marraztearen eta ilustratzearen arteko ezberdintasunen eta puntu komunen arteko aurkezpen-eztabaida batetik abiatuta, bakoitzari dagozkion ezaugarriak argitzen saiatuko gara.