Maso et Miso Vont en Bateau + Pour mémoire (Les Insoumuses)

19:00 Aurkezpena: Nicole Fernández Ferrer, Centre audiovisuel Simone de Beauvoir erakundeko ordezkaria.

20:00 Proiekzioa:

Maso et Miso Vont en Bateau, Nadja Ringart, Carole Roussopoulos, Delphine Seyrig & Ioana Wieder (Les Muses s'amusent), Frantzia, 1976, 55

Maso et Miso Vont en Bateau Les Insoumuses bideo kolektibo feministak (Nadja Ringart, Carole Roussopoulos, Delphine Seyrig & Ioana Wieder) telebista programa bati eman zion erantzuna da. 1975 urteko abenduaren 30ean Antenne 2 kate frantsesak Encore un jour et l’Année de la femme, ouf! C’est fini (Egun bat gehiago eta Uf! emakumearen urtea bukatu da) programa emititu zuen. Bernard Pivot aurkezleak Françoise Giroud gonbidatu zuen, Emakumeen Gaien Estatuko Idazkari Nagusia. Planteamendua oso oinarrizkoa zen: Giroudek emakumeei buruz komentarioak egindako zenbait pertsonei buruz hitz egin behar zuen. Les Insoumuses-i lotsagarria iruditu zitzaien Girouden jarrera. Besteak beste “emakume batzuek gustuko dituzte gizon misoginoak” esanez, adibidez. Parodia bat egitea erabaki zuten programaren muntaia berreginez martxoaren 8ko irudiak, komentarioak eta abestiak gehituta, eta telebistaren aurrean bromak egiten.

Bideoaren emantzipazio gaitasuna iragarri eta kolektiboaren identitatea markatuko duen eskuz idatzitako esaldi batekin bukatzen da pelikula: “Telebistako irudi batek ere ez gaitu eta ezin gaitu errepresentatu. Gure adierazpen tresna bideoa da”.   

Pour mémoire, Delphine Seyrig, Frantzia, 1987, 11’

Simone de Beauvoir-en heriotzaren ondotik (1986ko apirilaren 14an zendu zen), urtebete beranduago, Delphine Seyrig-ek omenaldi bat egingo dio. Montparnasseko hilerrira itzuliko da hileta egin zenetik urtebete igaro denean, hilobia lorez gainezka dago eta munduak berari eskaintzen dizkio bere hitzak. Simone de Beauvoirren hitzaldiaren zati bat, 1986ko apirilaren 19an Simone de Beauvoirren omenez egindako martxaren irudiak.  

Saio hau Zabaltegi-Tabakalera + PLUS programaren barruan dago.