Metodologia parte-hartzaileak ikus-entzunezkoetan

Sorkuntza kolektiboa beti da interesgarria, eraldatzailea eta aberasgarria. Era partekatuan, negoziatuan eta eskuzabal batean praktikan jartzen ikastea ere benetan esker onekoa da. Eta horixe da lantegi honen helburua, gu geu izatea ikus-entzunezkoaren eta bere sorkuntza-prozesuaren bidez gure bizipenak birformulatzeko gai izateko bideak jartzea.

Hausnarketarako espazio bat sortzea proposatzen dugu baina praktikoa ere izango dena eta ikus-entzunezko euskarriak errealitatean esku-hartu eta hura eraldatzeko tresna bezala begiratuko dituena. Metodologia parte-hartzaileen ardatza pertsonak bitartekaritzarik gabe eta lehen pertsonan errealitatea irudikatu dezaten formatzea da. Topaketa honetan sorkuntza kolektiboan pilatu ditugun esperientzia eta dinamikak partekatuko ditugu, proiektu parte-hartzaile ezberdinetan erabilitakoak alegia.

*Lantegia egin ahal izateko hiru argazki eta lehenengo edo hirugarren pertsonan idatzitako 3-5 lerroko testu labur bat ekartzea eskatzen da. Testuak eta argazkiek ez dute zertan harreman zuzenik izan behar.