Niño de Elche

 

 

Francisco Contreras, Niño de Elche (1985) diziplina anitzeko artista da, flamenko-kantari izandakoa. Bere ibilbidean zehar, askotariko generoak uztartu ditu bere proposamen artistikoetan, hala nola flamenkoa, inprobisazio askea, krautrocka, musika elektronikoak, elektroakustikoak edo garaikideak, eta olerkigintzarekin, performancearekin, dantzarekin edo antzerkigintzarekin nahastu ditu.

Bere proposamenaren izaera hibridoa artista eta musikari gisa erantzuteko gai den obren heterogeneotasunean agertzen da: Pedro G. Romero artistarekin eta Israel Galván dantzariarekin batera arte garaikidearen Documenta 14an parte hartzetik (La farsa monea lanarekin),  Los Planetas taldearekin edo C. Tanganarekin musika-kolaborazioak egiteraino. Sergi Cameronen Niños somos todos filmeko protagonista ere izan da eta saiakera autobiografikoak idatzi ditu. Azkenik, nabarmentzekoa da Reina Sofia Arte Zentroaren Museo Nazionalaren bildumarako egindako lana, Auto Sacramental Invisible, una representación sonora a partir de Val del Omar izenekoa, non ikerketarako eta berreraikuntza historikorako duen joera antzematen den.