Inguru

Inguru proiektua biomaterialen mundua gizarteratzeko ekimen kulturala da, lekuko baliabideen erabilera jasangarri eta sortzaileak arakatu eta partekatzea bilatzen duena. LABVA kolektiboak garatutako "Lurraldean Oinarritutako Biomaterialak" metodologia erabiliz, tokiko oparotasun eta hondakinetatik abiatuta, biomaterialen inguruan ikertzen eta esperimentatzen jardungo gara. Hau guztia gure egungo kultura materialari buruz hausnartzeko, eztabaidatzeko eta alternatibak imajinatzeko topagunea izatea espero dugu.

Inguru proiektuak hainbat jarduera barne-hartzen ditu herritarrak biomaterialen arloan esploratzera bultzatzeko. Gainera, gurekin izango ditugu Ainhoa Goenaga Urazala Arte eta Natura Elkarteko kidea eta Maria Jose Besoain eta Alejandro Weiss LABVA-ko kideak Txiletik etorriak.

Saioak

-Azaroak 28, 10:00-13:00 – Laborategi irekia

Gure ingurunea hobeto ezagutzeko eta lekuko baliabide oparo eta jasangarriak, naturalak zein giza-hondakinak, identifikatu, bildu eta sailkatzeko espazio irekia izango da hau. Medialabeko gunean modu partizipatiboan gure lurraldean oinarritutako biomaterialen bilduma osatzen joango gara, non edonor ongietorria izango den kuxkuxeatu edo parte-hartzera etortzera.

-Azaroak 28, 17:00-20:00 – Biomaterialeen lantegia | Sarrerarekin

Lantegi teoriko-praktiko honetan biomaterialen ezaugarri nagusiak eta hauen aplikazio aukerak ikusiko ditugu. Gure gertuko inguruan bildutako baliabideetatik abiatuta material jasangarri eta sortzaileak gauzatzeko hainbat “errezeta” ikasiko ditugu. Lantegi honetan bereziki biozeramikoen elaborazioaren inguruan esperimentatu ahal izango dugu maskor eta oskolekin. 

-Abenduak 1, 18:00-20:00 – Hitzaldia eta erakusketa | Librea edukiera bete arte

Hitzaldi eta erakusketa ireki honetan Inguru proiektuan burututako ikerketa eta esperimentazio lana aurkeztuko dugu, “Lurraldean oinarritutako biomaterialen bilduma” eta lantegietako zenbait lagin ere erakutsiz. LABVAko kideen bisita aprobetxatuz, lehen eskutik azalduko dizkigute beraiek biomaterialen arloan izandako esperientziak eta ikaskuntzak. Espero dugu instantzia hau kultura biomaterialaz eta egiteko eta ekoizteko modu jasangarri, lokal eta sortzaileez jorratzeko topagunea izatea.

* Proiektu honek Gipuzkoako Foru Aldundiaren Olatuak laguntza jaso du