Txaranga Urretabizkaia. Kontzertua

Txaranga Urretabizkaiak musika taldeak Scala-rako sorturiko Zortzia etzan instalazioaren osagarria izango da ekitaldi hau. Kontzertu berezia izango dela adierazi dute bere egileek. Tabakalerako hainbat espaziotan eskainiko dute, bertako ezaugarri fisiko eta materialak kontutan hartuta (eskailerak, plaza, pasabideak eta Z aretoa). Beraz, instituzioaren arkitekturarekin hartu-eman zuzena izatea proposatzen du Txarangak, musika eta mugimenduaren bitartez. Scalan entzungai dauden bi piezaren zuzeneko bertsioez gain, pieza berriak ere konposatu dituzte kontzertu honetarako eta hortaz, horiek lehen aldiz entzuteko aukera izango da.