JanHiria

Biztanleriaren gehiengoa hirietan bizi den garai honetan, hiritar guztien elikadura beharrak asetzea erronka bihurtu da dentsitate handiko eremuetan. Elikagai gehienak hiriguneetatik kanpo sortzen dira, lehen sektorean espezializatutako eremuetan, garraiatzeko beharrak handituz. Gainera, kontsumitzaileen eta ekoizleen arteko harremana lausotu egin da, platerera iristen denari buruzko jakintza ia nulua delarik. 

Erronka honetatik abiatuta sortu da JanHiria, Food Hack Lab lantalde irekiak Tabakaleran garatuko duen jarduera-programa, elikaduraren etorkizuna imajinatu eta esploratzeko espazio gisa. Hiri-ingurunean elikagaiak ekoizteko eta kontsumitzeko ohitura berriak aztertuko dira, etorkizuneko agertoki hipotetikoak aztertuz eta hausnarketa kolektiboa sustatuz.

Elikadura eta eremu urbanoaren arteko harremana sakon aztertuko da jardueta hauetan:

Azaroak 7, 17:00-20:00 – Intsektuentzako hoteltsoak eraikitzea – Arrate Iturbe Recondo – EU

Intsektuek eragindako polinizazioa funtsezkoa da fruta, barazki eta beste landare jangarri askoren hazkuntzarako. Lantegi honetan intsektuentzako babeslekuak edo “hoteletxoak” eraikiko dira, hiriko biodibertsitatea sustatzeko eta, era berean, hiriko baratzeek eta elikagai ekoizpenak behar duten polinizazio naturala indartzeko. Hiri-inguruneetan polinizatzaileak, bereziki intsektuak, gero eta babesleku gutxiago aurkitzen dituzte, eta horrek elikagai ekoizpenari zuzenki eragiten dio. 

Azaroak 14, 17:00-20:00 – Sukalderik gabe kozinatzen – Sam Yang – ENG 

Hiri handietan etxebizitza-espazioen eskasiak bultzatuta, gurean oraindik ematen ez den fenomenoa da sukalderik gabeko etxebizitzena. Ohikoa da egoera hau Japonian, Taiwanen edota Asiako beste herrialde batzuetan, adibidez. Sam Yang sukaldari taiwandarrak gidatutako lantegi honetan, sukalderik gabe, tresna minimoekin janaria nola prestatu aztertuko da. Arroz-makina, ur-berogailua edo tostadora bezalako tresna txikiak erabiliko dira teknika erraz eta azkarrak ikasteko, bide batez sukaldaritza asiarrari errepasotxo bat emanaz. 

Azaroak 21, 17:00-20:00 –  Balkoietan janaria haztea – Goizane Otegui Otaño – EU – BETETA

Etxeko balkoietan baratze txikiak nola sortu eta elikagaiak nola ekoiztu ikasiko da. Hiri-baratzeak etorkizuneko elikadura-autonomia eta jasangarritasunaren adibide bihurtu nahi dira.

Goizanek emango duen lantegia Fraisoro Eskolarekin lankidetzan egingo da, ikastetxeak ingurumenarekiko eta naturaren kudeaketarekiko duen konpromisoa indartuz.

Azaroak 28, 17:00-20:00 – Perretxiko eta onddoak – Bixente Lukin Aierdi – ES 

Perretxiko eta onddo jangarriak etxean nola hazi ikasiko da, aukera jasangarri eta errazak eskainiz.