Julia Eckhardt

Julia Eckhardt arte akustikoaren arloko musikaria eta komisarioa da, eta musika konposatu eta inprobisatuaren arteko bidegurutzean jarduten du. Bruselako Q-O2 tailerraren sortzaileetako bat eta zuzendari artistikoa da, eta hainbat proiektu tematiko kontzeptualizatu ditu tailer horretarako, esate baterako: Field Fest, Tuned City Brussels, Intepretations, the other the self, //2009//- what do you make of what I say, DoUndo/Recycling G, Abstract Adventures, De Tijd is Rond o Speling. 


Musika konposatu eta inprobisatuaren interprete gisa hainbat kolaborazio egin ditu, besteak beste, artista hauekin: Eliane Radigue, Phill Niblock, Pauline Oliveros, Jennifer Walshe, Wandelweiser musikagileak, Rodri Davies, Taku Sugimoto, Manfred Werder, Angharad Davies, Lucio Capece, Manu Holterbach, Anne Wellmer eta Carol Robinson. Horietako asko, gainera, diskoetan argitaratu ditu. 


Irakasle izan da honako eskola hauetan: Lemmens Institut (Lovaina), Transmedia (LUCA Brusela) eta La Cambre (Brusela). The Second Sound, conversation on gender and music liburuaren egilea da Leen de Graeverekin batera, bai eta Grounds for Possible Music liburuarena ere.