Albert Galvany

Txinera klasikoko eta antzinako Txinako historia intelektualeko espezialista da. Euskal Herriko Unibertsitatean lizentziatu zen Filosofian, Ekialdeko Asiako Ikasketen masterra egin zuen Paris 7 Unibertsitatean, eta Hizkuntzalaritza eta Literatura Konparatuan doktoratu zen Granadako Unibertsitatean. Doktoretza ondoko ikerlari gisa aritu da izen handiko erakunde akademikoetan (École Pratique des Hautes Études, Friedrich-Alexander Universität, University of Cambridge, Universitat Pompeu Fabra). Nazioarteko aldizkarietan argitaratutako hainbat artikuluren egilea da, obra kolektiboen koordinatzailea eta testu klasikoen eta saiakera sinologiko garaikideen itzultzailea. Egun, irakasle laguntzaile doktorea da Euskal Herriko Unibertsitateko Filosofia Sailean.