Dóra Maurer

 

Dóra Maurer (1937) figura garrantzitsua da hungariar eta nazioarteko artearen historian. Bere serieak (horietan geometria, kolorearen teoria eta pertzepzioaren hainbat teoria erabiltzen ditu) aldi berean esperimentu dibertigarriak eta behaketa zientifikoak dira. 1968tik, naziotasun bikoitza (hungariarra eta austriarra) duen herritar gisa, Maurerrek Hungariako neoabangoardia harreman-sarea garatzeko lan egin zuen. 1970eko hamarkadatik, bere lanak, aldizka, nazioarteko erakusketa garrantzitsuen protagonista izan dira. Azken urteotan, Maurerrek taldekako erakusketetan parte hartu du Parisko Centre Pompidou (Promises of the Past, 2011), Chicagoko The Art Institute (Light Years: Conceptual Art and the Photograph, 1964-1977, 2011), New Yorkeko MoMA (Transmisiones: Arte en Europa del Este y América Latina 1960 - 1980, 2015) eta Londreseko Tate Modern (Actuación para la cámara, 2016) erakundeetan. Bere azken atzera begirako erakusketak honako hauek dira: 2019an Tate Modern museoan inauguratu zena eta 2021ean Haus Konstruktiv museoan, Zürichen, inauguratu zena.