Michelle-Marie Letelieren proiektuak, The Bonding, hemisferioen arteko harremanak ikertzen ditu itsas baliabideen hazkuntzan arreta jarrita, antzinako arrantzaren praktika eta ezagutzatik industria-akuikultura garaikideraino. Helburua elkarrenganako interakzioak dira, bai fisikoak, zein modu digitalean egindakoak, artistaren eta 2,5 urteko bizitza programatua duten eta Norvegiako Matre Itsas Ikerketa Institutuko ur gaziko tanke batean dauden genetikoki manipulatutako izokin talde baten artean. Ikerketa-estazioaren inguru tekno-zientifikoan bizitako esperientziak eta egindako oharrak 16 mm-ko film batean dokumentatu zituen Carlos Vásquez argazki-zuzendariarekin batera. Instalazioaren parte den film-laburra lehenengo kapitulu bat da, Ánde Sombyrekin izandako elkarrizketa batekin lagundua, Tromsøko indigenen eskubideetan espezializatutako sámi zuzenbide-irakaslea eta artista. Instalazioaren bertsio horrek omenaldia egiten die 2019ko abenduan haztegian arrautzak jarri zirenetik hil diren arrainei, diafonizazio deitutako, edo ezagunagoa den “garbiketa eta tindaketa” teknikaren bidez. Pieza hori Timo Moritz eta Philipp Richter doktoreekin lankidetzan egin da, Alemaniako Stralsundeko Deutsches Meeresmuseum museoan.
