Jardun Artistikoentzako Institutuaren (JAI) ikasketa-programa Tabakalerak (Kultura Garaikidearen Nazioarteko Zentroa) eta Artium Museoak (Euskal Herriko Arte Garaikidearen Museoa) bultzatutako ekimen gisa sortu da. Ekimen horri aurten Jorge Oteiza Fundazio Museoa gehitzen zaio. Hiru horiek dira programaren Donostiako, Vitoria-Gasteizko eta Altzuzako egoitzak, hurrenez hurren. Programa horrek Euskal Herrian errotutako arte garaikidearen esparruan ezagutzak transmititzeko tradizio berezia aitortzen du, aurrekontu esperimentalen testuinguruan sortu diren hainbat proiektu pedagogikoren bidez.
Aurrekari hauetatik abiatuz, JAI udako eskola gisa aurkezten da, elkartruke horiek garatzeko gune/espazio bat ezartzeko bokazioarekin. Hori horrela, programak jatorri oso ezberdineko a hots profesionalen ekartzen ditu, praktika artistikoak mundu garaikideari begiratzeko duen ahalmena identifikatzeko eta haien lengoaien erabilerari buruzko harreman kritikoa ezartzeko gai direnak.
Jakinik artera iristeko beste modu batzuk aldarrikatzeak berekin dakarrela ezagutza-modu ugariri arreta jartzea, eta, inolako bokaziorik gabe gaitasunak pilatzeagatik edo espezializazioren baten aitzindaritza bilatzeagatik, ikasketa-programa honen helburua prozesu eta metodología artistikoetan formaren eta edukiaren, subjektibotasunaren eta materialtasunaren, eta pertzepzioaren eta pentsamenduaren artean sortzen diren harremanei balioa ematea da.
Planteatutako mekanika programaren parte den artista bakoitzak prozesu horien ikuspegi berezia eskaini dezan eragiteko diseinatuta dago, eta horrek tailerraren espazioan ehuntzen diren harremanek eta irakasleek une eta egoera bakoitzean garatzen dituzten praktika zehatzek zeharkatzen duten metodologia eraikitzen du.
Egiteko modu honen helburua da parte-hartzaileen proposamenen eta lanen garapen kritikoa sustatzea. Ildo horretan, proposamenak azpimarratzen du garrantzitsua dela parte-hartzaile bakoitzari esleituko zaion tailerrean egin beharreko lana. Partekatutako espazioa izango da, eta programako tutoreek tutoretza indibiduala egingo dute.
Artearen metodologietan sakontzeko interesa duten artistei edo sektoreko eragileei zuzendua.
Tutoreak: Ibon Aranberri, Asier Mendizabal, Itziar Okariz.
Irakasle-taldea: Txaro Arrazola, Pierre Bal-Blanc, David Bestué, Alejandro Cesarco, Ainara Elgoibar, Jon Mikel Euba, Isabel Herguera, Erlea Maneros Zabala, Mattin, Rosalind Nashashibi, Lea Porsager eta Georgia Sagri.