Récréations, Claire Simon, Frantzia, 1993, 54' + Masterclass Claire Simon-ekin

Bada herrialde moduko bat, oso txikia, hain txikia, non eszenatoki bat dirudien. Bertako biztanleak egunean bizpahiru aldiz bizi dira bertan. Biztanleak txikiak dira. Legeen arabera bizi badira, beti jartzen dituzte zalantzan eta bortizki borrokatzen dira legeen aurka. Herrialde honek "Patioa" du izena eta bere jendeak "haurrak". "Haurrak" "Patiora" doazenean, "Sentimenduen indarra edo giza morrontza" esperimentatzen dute, jolasgaraia esaten zaio horri.

Masterclass Claire Simon-ekin. Masterlassa frantsesez, gaztelaniara itzulita.

Claire Simon

«Récréations» eta «Coûte que Coûte» zinema aretoetan estreinatu ziren, eta beste film batzuekin batera sekulako oihartzuna lortu zuten zinema frantziarraren barruko dokumentalaren iraultza gisa.
Claire Simonek bere inguruko pertsonak heroiak bailiran filmatzen ditu: «Récréations» -eko haurrak; «Coûte que Coûte» -ko nagusi estresatua; «Sinon Oui» -ko haurren lapurra; «Ça brûlée» -ko neska gazte suharra; Mimi, emakumeekin maitemindua; Nathalie Baye, familia plangintzako aholkularia; Nicolek Reda Katebekiko sentitzen duen pasioa Gare du Nord-en; «Le Bois»-n bere edertasuna saltzen duen Stephanie; La Femis gotortutako gaztelua hartzen duten gazteak; Hugo bezalako Bigarren Hezkuntzako ikasleak, euren sendien isiltasunagatik negarrez; herri moderno bateko saltzaile eta alkatearen haurrak; eta Durasen maitalearen, Yann Andréaren galderak… Dokumentala edo fikzioa, galdera bakarra: zein da zein istorio?