Ça, c'est vraiment toi, Claire Simon, Frantzia, 2000, 122'

Antoine gazteak Europako Parlamentura, Estrasburgora, egiten duen bidaia kontatzen du filmak. Zientzia Politikoen karrera amaitu berria da eta lan bila dabil. Parlamentuko laguntzaile izan nahi du eta bere bikote ohiarengana itzultzea ere bai, Cléorengana, Parlamentuko ikus-entzunezko zerbitzuko langilea aspalditik.  Baina zoritxarrez Cléok ez du Antoineren oroitzapen ona eta diputatuen buruetan Kosovoko gerrak eta Europan laster izango diren hauteskundeek toki handiagoa dute, laguntzaile berri bat kontratatzeak baino. Parlamentuko saioaren aste honetan gazteak demokraziaren eta maitasunaren antzerkia ezagutuko du eta konpromiso politikoak nahiz maitasun arlokoak sortzen dien larritasunari aurre egin beharko die.

35 mm-ko proiekzioa.