Lucie Hass, kultur-bitartekaria da (Sorbonne Paris 3 unibertsitatea, Sevillako Unibertsitatea) eta Lurralde Garapen Kulturaleko graduondoko tituluduna (Paris-Marne la Vallée). Bere ibilbide profesionalean, lurraldea publikoak garatzeko tresna gisa esperimentatzean ardaztu da Lucie, eta kultur-bitartekaritza zein herri-hezkuntza bitartekoen bidez herritarren inklusio-bektoreak sortzean.
Arte eszeniko zein bisualetan lan egin du Théâtre de l 'Aquarium, Le Carreau de Cergy eta Le Tarmac - Scène Internationale Francophone bezalako erakundeetan. Gaur egun, publikoarekiko harremanez eta lurralde-garapenaz arduratzen da Centquatre-Parisen.
Aldi berean, Gustave Eiffel Fakultateko Masterrean (Paris-Marne la Vallée) parte hartzen du irakasle elkartu gisa, bertan «ekintza artistiko eta kulturalaren bide berriak» izeneko modulu baten ardura daramalarik. Ikusmen-desgaitasunak dituzten publikoen kultur-irisgarritasunean espezializatu da. 2020an sortutako «Les Soupirant.e.s.» konpainiaren zuzendaritzako kide da.
Argitalpenak:
- Tesina Master 2, Elsa VIVANTek zuzendua. Tokiko kultur-politikek udal ekipamenduetan duten eragina: Cergyren kasua
- Tesina Master 1, Eve BRENELek eta Stéphanie MOLINEROk zuzendua. Sevillako azokak: bizitako espazioaren eta espazio eszenikoaren artean
CENTQUATRE-PARIS ekipamendu artistiko eta kulturala da, baina baita guztiontzat zabalik dagoen elkarbizitzarako lekua ere, non edonor libre den espazioa bereganatzeko eta adierazteko, sortzeko eta berritzeko plataforma gisa erabiltzeko.
Mundu osoko artistentzako egoitza eta ekoizpen gunea, CENTQUATRE-PARIS estetika artistiko eta kulturalen babesleku gisa pentsatu da. Egungo arteen hazitegi bat, erabat herrikoia eta garaikidea den programazio baten bidez.