0-6 bizi! 0 eta 6 urte bitarteko haur eta familiei zuzendutako proiektua da. Bere helburuen artean daude: adin tarte honetako haurren heziketa eta sormena lantzea, zein gurasoen intereseko gaiak jorratzea.
Prozesuaren lehen fasea 2016ko maiatzean hasi eta 2017ko otsailean amaitu zen. Bertan 0-6 Gunea, Tabakalerako kale espazioetan ireki eta erabili ahal izateko gailua, modu kolektiboan eta parte-hartzailean diseinatu, eraiki eta martxan jarri genuen. Espazio honetan ko-ikaskuntza praktikekin eta praktika artistiko garaikideekin loturiko prozesuak garatu dira.
Hasi berri dugun bigarren fase honetan, elkarlanean eraikitako espazioa denon artean kudeatzea, egoteko eta jolaserako espazioen eta elementuen sortze prozesuan haurren parte-hartzea sustatzea, eta erabakiak eta proposamenak denon artean lantzea izango dira helburu.
Horrela, aurrerantzean, proiektuak hiru forma hartuko ditu: alde batetik 0-6 komunitatea, bestetik kultur programazioa eta azkenik 0-6 Gunearen erabilera librea.
Dokumentazioa