Internet, sare sozialak, espazio publiko bilakatu dira. Espazio birtual hauetan harreman afektiboak sortzen ditugu, gure identitateak definitu, gure izaerak biluztu… Sare sozialak gure gustuko irudia islatzen dute, gure iritzia bertan erakutsi nahi dugu, gure lagunei gure bizitzaren berri eman. Gure bizitzaren zati handi bat birtuala da gaur egun eta unibertso birtual horretan bizitza paraleloak sortzen ditugu.
Baina zer gertatzen da sarean publikatzen dugun guztiarekin? Nork ikusten du? Zein da kanpora ematen dugun irudia? Zein helbururekin erabiltzen dugu sarea?
Hiria Hackeatu egitasmoaren baitan kokatutako lantegi honetan gazteok sare sozialekin egiten dugun erabilera ikusiko dugu, eta gazte zein helduok kaleko espazio publikoetan sare sozialak nola erabiltzen ditugun. Sareetan gure bizitzaren berri emateak dituen arriskuez hitz egingo dugu, zer ezkutatzen den interneten atzean eta gure sakelean daramagun unibertso digitalari ikuspegi kritikoz begiratuko diogu. Guzti hau modu praktikoan landuko dugu, antzerkia eta performance-a tresna moduan erabiliz eta pentsaraziko diguten esku-hartzeak eginez.
Hiria Hackeatuko lantegi honetan, Inés Bebearen eskutik, gazteok sare sozialekin egiten dugun erabilera ikusiko dugu, eta gazte zein helduok kaleko espazio publikoetan sare sozialak nola erabiltzen ditugun.