LURLAB

LURLAB landa eremuko makerspace edo laborategi digital ireki bat da; herritarrek elkarlanean era guztietako objektuak fabrikatzeko tresna tradizional zein digitalak, laguntzaile adituak eta ezagutza elkartzen diren espazio fisiko bat.

Bertan teknologia berrien erabilera sustatuz ingurunea zaindu, talentu gaztea landa eremuan geratzeko aukera erakargarriak sortu eta belaunaldien arteko lankidetza proiektuak garatu nahi dira, tokiko ondarea ezagutarazi eta balioesteko.

Makerspace guztietan bezala, proiektuak norberak edota besteekin elkarlanean egitea da nahi dena, tresna eta ezagutzak erabiliz, sortuz eta zabalduz, esperimentazioa ardatz hartuta.