Material jasangarrien liburutegia

Eta eskola, kultur-etxe edomuseo bakoitzean, liburuen liburutegi batez gain material jasangarrien liburutegi bat egongo balitz?

La casa del vacío arte eta arkitektura eskola bat da, eta 2011 urteaz geroztik museo, ikastetxe eta kulturguneetan proiektu zein instalazio artistiko-pedagogikoak ere egiten ditu. Jolas eta ariketen bitartrez sormena eta jasangarritasuna uztartzen ditu, modu dibertigarri batean esperimentazioa landuz.

Material Jasangarrien Liburutegia (MJL) hiru dimentsioen lanketa ikertzen duen hezkuntza proiektu bat da. Batez ere hezkuntza komunitateari dago zuzendua eta haur zein gaztetxoei bereziki. 20 material ezberdin biltzen ditu, jasangarriak eta ukigarriak, eta horietako bakoitzak disziplinarteko ariketaz osaturiko liburuxka bat dauka lotua, jolasetik eta praktikatik abiatuta.

Aste honetan zehar, Medialaben, materialen liburutegi berezi honek proposaturiko lantegiak egingo ditugu, euskarri horiek ezagutu eta erabiliz, artearekin, musikarekin eta arkitekturarekin jolasten dugun bitartean. 

Etor zaitez gurekin tarte jostagarri bat pasatzera!

-Asteartea 6. 11:00. Nota, puntua eta zutabea. 6-10 urte. 

-Asteartea 6. 12:30. Nota, puntua eta zutabea. 6-10 urte.

-Asteazkena 7. 11:00. Melodia, marra, horma. 0-4 urte (familiak)

-Osteguna 8. 11:00. Paul Klee eta lerro kurbatua. 6-10 urte.

-Osteguna 8. 12:30. Paul Klee eta lerro kurbatua. 6-10 urte.

-Larunbata 10. 11:00. Hutsuneak. 3-6 urte (familiak)

-Larunbata 10. 12:30. Hutsuneak. 3-6 urte (familiak)