Kaosglam

Soinuaren digitalizazioari esker, gaur egun hura zatikatu, irauli edo era askotan eraldatzeko aukera daukagu. Hardglam (hardware glamour) serieari dagokion Paula Pinek diseinatutako KAOSGLAM plakarekin eta kableatu zein soldatze ariketa erraz baten bidez, sintetizadore bat sortzeko gai izan gaitezke. Etor zaitez eta, horrelako sintetizadore haptiko bat osatuta, goza ezazu bukaeran egingo dugun jam sessionarekin non parte-hartzaile guztiok gure gorputzekin, alga, begetal edota honddoekin elkar-eragin ahal izango baitugun.

Lantegiaren ikas-metodologia praktikoa izango da, parte-hartzailea eta horizontala, eta hortaz ez du aurreko ezagutzarik eskatuko. Gakoa jolasaren bitartez ikastean dago, esperimentazioaz gozatuz.

Cyborg witch, transister eta edonolako transidentitateak ongi etorriak dira!

*Lantegi trinkoa da, egun osokoa, eta bazkaria barne dauka (gure kontura)